Një ngjarje e rëndë është regjistruar pasditen e sotme në fshatin Dvoran, pak kilometra larg nga qyteti i Korçës.
Një 27 vjeçar dhe një 40 vjeçar, të dy banorë të zonës janë përfshirë në një sherr të dhunshëm. Gjithçka ka ndodhur në qendër të fshatit, pranë një lokali.
Pasi konflikti mes tyre ka degjeneruar në dhunë, 27-vjeçari ka marrë plagë të rënda dhe ndodhet në gjendje kritike në spitalin e Korçës.
Motivi i sherrit mes bashkëfshatarëve është i paqartë, por bëhet me dije se 40-vjeçari sapo kishte lënë qelinë e burgut.
Ndërkohë policia ndodhet në vendngjarje dhe po punon për zbardhjen e rrethanave të rastit./e.t
