Presidenti i Rusisë, Vladimir Putin, lahet me gjakun e drerëve, të nxjerrë nga brirët e tyre. Gjithashtu ai shoqërohet vazhdimisht nga një mjek i specializuar për kancerin e tiroides, kështu shkruajnë mediat ndërkombëtare. Putin u njoh me ilaçin e pazakontë nga ministri i tanishëm i Mbrojtjes, Sergei Shoigu, dhe mesa duket u kënaq në një vaskë që përmban një ekstrakt aromatik nga brirët e drerit të mbushur me gjak në mesin e viteve 2000.
Megjithatë ende nuk ka asnjë provë që brirët e drerit të kuq Altai në Siberi, ndihmojnë në përtëritjen e trupit. Por pavarësisht kësaj, thuhet se presidenti rus është një fans i kësaj teorie. Për shembull, thuhet se Putini është larë me gjakun e brirëve të drerit të hequra nga kafshët në pranverë, kur brirët janë “të butë dhe plot gjak”, thuhet në raport.
Sipas mediave, Putin iu nënshtrua fshehurazi një operacioni vjeshtën e kaluar dhe nuk u shfaq në publik gjatë gjithë muajit shtator.
“Në qarqet mjekësore, besohet se presidenti po i nënshtrohej një procedure të ndërlikuar që lidhet me një lloj sëmundjeje të tiroides gjatë kësaj periudhe”, thuhet në raport. Dmitry Peskov, zëdhënësi zyrtar i Kremlinit, thuhet se ka mohuar çdo sugjerim se Putini ka kancer.
