Prej javësh vendi ynë ka regjistruar shifra të larta të personave të infektuar me koronavirus. Vetëm një ditë më parë në vendin tonë u shënuan 82 persona pozitiv, ndërsa shtrirja gjeografike ishte në disa qytete të vendit.
Ndërkohë burime për “Fjala.al” bëjnë me dije se mes të infektuarve dy persona janë punonjës të Bashkisë në Malësinë e Madhe e cila është detyruar të mbyllë dyert deri ditën e hënë.
Gjithashtu pas infektimit të tyre priten përgjigjet e testit edhe për 9 punonjës të tjerë, që kanë pas kontakte me të infektuarit.
Bashkia është mbyllur për të bërë dezinfektimin e plotë të gjithë godinës, ndërsa do të hapet sërish ditën e hënë të javës së ardhshme.
Deri më tani, Malësia e Madhe kishte vetëm dy raste me COVID-19, një të infektuar dhe një viktimë, duke qenë ndër bashkitë më pak të prekura.
Por, sot numri i të infektuarve ka shkuar në 4, ndërsa priten përgjigjet për 9 të tjerë./ Bl.Ba/Fjala.al
