Ditën e djelë Real Madrid do të luajë me skuadrën e Atletico Madrid finalen e Superkupës së Spanjës, në një ndeshje që mund të quhet edhe derbi i Madridit.
Trajneri i madrilenëve Zinedine Zidane e ka këtë përballje ndeshjen e nëntë finale në krye të Realit. Francezi nuk ka humbur në asnjërën prej tetë finaleve si trajner i spanjollëve.
Në vitet 2016, 2017 dhe 2018 Zidane ka fituar tre finale të Ligës së Kampionëve, dy finale të Superkupës së Evropës në 2017-ën dhe në 2018-ën, dy të Kupës së Botës në vitet 2016 e 2017 si dhe një finale të Superkupës së Spanjës në vitin 2017-të.
Fitorja e ndeshjes që do luhet ditën e djelë i sjell francezit të dytën Superkupë të Spanjës dhe nëse do të përfshijmë në numërim titullin e La Ligës në sezonin 2016-2017, të dhjetin trofe në krye të Real Madridit.
Me këto rezultate Zidane i afrohet rekordit të trajnerit Miguel Munoz, që ka marrë plot 14 trofe dhe është ende tekniku më i suksesshëm në krye të “Los Blancos”.
Menaxheri i madrilenë numëron plot 124 fitore, 40 barazime dhe 22 humbje duke arritur një fitore prej 66% dhe duhet theksuar se këto arritje janë marrë që nga janari i vitit 2016 deri më tani./Fjala.al/
