Epidemiologu Ilir Alimehmeti ka zgjedhur rrjetin social për të hedhur poshtë dyshimet nëse Covid-19 përhapet edhe nga ajri.
Epidemiologu thotë se studiuesit e Universitetit të Harvardit kanë publikuar së fundmi një përmbledhje të evidencave dhe teorive mbi mënyrën se si përhapet virusi i ri.
Teksa së fundmi këta studiues kanë ardhur në përfundimin se SARS-Cov-2 duket i papajtueshëm me transmetimin nga ajri e si e tillë mjafton vetëm të mbahen parasysh rregullat e thjeshta që tashmë janë bërë të ditura:
- Distancë fizike (2 metra)
- Higjiena e duarve
- Mbajtje maske nëse nuk ruhet dot distanca.
- Njofto edhe të tjerët të respektojnë tre rregullat e mësipërme.
Postimi i plotë
“Frika ka dy kuptime: “Harro çdo gjë dhe vrapo” ose “Përballu me çdo gjë dhe çohu”. Zgjedhjen e bën ti!”
Cit. Zig Ziglar
Përhapet koronavirusi nga ajri apo jo? Kjo është çështja!
Studiuesit e Universitetit Harvard (SHBA) publikuan dje ne JAMA, një përmbledhje te evidencave dhe teorive mbi përhapjen e SARS-CoV-2 nga ajri (aerosol).
Përfundimet e tyre te përkthyera janë:
“…Totali i evidencës duket i papajtueshëm me transmetimin e SARS-CoV-2 përmes aerosolit, veçanërisht ne hapësirat e ventiluara mire.
Ne praktike, kjo do te thotë se, për te minimizuar përhapjen e SARS-CoV-2, mjafton distanca 2 metra larg te tjerëve dhe, ne rast se kjo distance nuk është e mundur te mbahet, mjafton mbajtja e maskave mjekësore, e maskave me cope me cilësi te larte, ose mbrojtëset e fytyrës (pa harruar higjienën e shpeshte te duarve, pastrimin e ambientit dhe optimizmin e ventilimit te ambienteve te brendshme)…”
“…Eshte e pamundur për te dale ne përfundimin se nuk ndodh kurrë transmetimi përmes aerosolit dhe është krejtësisht e kuptueshme pse shume preferojnë te gabojnë duke shkuar ne ekstremin e kujdesit, veçanërisht ne ambientet spitalore gjate kujdesjes për pacientet me COVID-19 te dyshuar apo te konfirmuar.
Megjithatë, totali i evidencës se disponueshme aktualisht sugjeron se TRANSMETIMI PËRMES AEROSOLIT NE DISTANCE TE LARGËT NUK ËSHTË MËNYRA DOMINANTE E TRANSMETIMIT TE SARS-COV-2.”
Bo.Ba/fjala.al
