Një aksident automobilistik është regjistruar pasditen e sotme në aksin Fushe Krujë-Durrës.
Mësohet se një automjet tip “Golf” me targa AB 969 AA është përplasur me një motor dhe si pasojë e aksidentit ka mbetur i plagosur rëndë drejtuesi i motorit.
Ngjarja ka ndodhur rreth orës 18:00 në hyrje të qytetit të Fushë Krujës.
I plagosuri është dërguar me urgjencë drejt Tiranës ndërsa mësohet se drejtuesi i mjetit është ndaluar nga policia.
Shërbimet e policisë ndodhen në vendngjarje për të zbardhur rrethanat e plota të aksidentit. Shkak i aksidentit paraprakisht dyshohet se ka qenë shpejtësia e lartë e makinës.
/En.Br./Fjala.al
