Apeli i Imzot Dodë Gjergjit: Zbatoni masat anti-Cov*id, Mesha e Shenjtë të kremtohet pa pjesëmarrjen masive

113 563 lexime

124,178FansaPëlqeje

Imzot Dodë Gjergji iu është drejtuar me një letër publike besimtarëve katolikë në Kosovë, ku iu bën apel për zbatimin e masave anti COVID-19 të vendosur nga IKSHPK-ja dhe Qeveria.

Imzot Dodë Gjergji thekson se deri në një vendim tjetër, Mesha e Shenjtë le të vazhdojë të kremtohet sipas udhëzimeve të mëparshme, pa pjesëmarrjen masive të besimtarëve.

Letra e plotë:

Fort të dashur vëllezër meshtarë,
rregulltarë/e
dhe ju besimtarë!

Duke vlerësuar gjendjen e krijuar nga Covid-19, ku shumë njerëz janë infektuar e disa, mjerisht, janë ndarë nga jeta tokësore, duke iu bashkuar qetës së shumëve, që para fytyrës së Zotit presin mëshirën, por edhe fakti që në disa vende nuk u janë përmbajtur udhëzimeve të dhëna për mbrojtje nga Covid-19, kanë detyruar Institucionet e Shëndetësisë publike, IKSHPK dhe Qeverinë e vendit, që të marrin përsëri vendime ekstreme lidhur me jetën e qytetarëve.

Është e dhimbshme por duhet të ju ftoj, që të gjithë t’i përmbahemi vendimeve të propozuara nga IKSHPK-ja dhe të marra nga Qeveria.

Deri në ndonjë vendim tjetër, Mesha e Shenjtë le të vazhdojë të kremtohet sipas udhëzimeve të mëparshme, pa pjesëmarrjen masive të besimtarëve. Edhe ata bashkëpunëtorë që janë të domosdoshëm për mirëmbajtjen e kishave dhe celebrimin e meshëve, duhet ta respektojnë distancën fizike dhe udhëzimet e tjera të IKSHPK-së.

Sa i përket riteve tjera, në shpërndarjen e Sakramenteve dhe sakramentorëve, le të celebrohen vetëm me pjesëmarrjen e domosdoshme të atyre që parasheh riti.

Ta lusim Zotin tonë Jezu Krishtin për shëndetin e të prekurve dhe të qëndrojmë pranë familjeve të tyre me kujdes dhe dashuri.

Në Krishtin,

+ Dodë Gjergji

/En.Br./Fjala.al

Të fundit

U zgjodh Kryepeshkop, Fortlumturi Joani vizitë zyrtare në Patriarkanën Ekumenike

Kisha Orthodhokse Autoqefale e Shqipërisë njofton se nga 13 deri më 17 qershor 2025 Fortlumturia e Tij, Kryepiskopi i...

Gjykata vendos: Tarifat e Trump mbeten në fuqi sa të përfundojë procesi i apelimit

Gjykata Federale e Apelit në Uashington i lejoi sot Presidentit të Shteteve të Bashkuara të Amerikës, Donald Trump, të mbajë në fuqi paketën e...

Do të kandidoni për kryeministër edhe në 2029?/ Ja si përgjigjet Berisha

Kryetari i PD, Sali Berisha denoncoi sërish sot gjatë një konference për shtyp nga selia blu atë që ai e quan farsë elektorale në...

“Janë kërcënuar vëzhguesit ndërkombëtar”/ Berisha nuk njeh limite pas humbjes

Kreu i PD-së, Sali Berisha, në një konferencë për mediat ka deklaruar se janë kërcënuar vëzhguesit ndërkombëtar të zgjedhjeve, sipas tij, nga kryeministri Edi...

Rama fut në ‘shkollë verore’ gjeneratën e re të deputetëve socialistë

Vendimi i Partisë Socialiste për të rifreskuar ndjeshëm grupin parlamentar me figura të reja, pa histori politike të mëparshme, ka sjellë me vete edhe...

Lajme të tjera

Web TV