Mesfushori i kombëtares shqiptare, Ergys Kaçe është pranë kalimit te ekipi i Hanover, që luan në Bundesliga 2 dhe dëshiron një rikthim në elitë. Këtë gjë e konfirmojnë burime të gazetares së Grupit Mediatik “Fjala”, Katerina Tafa.
Po të njëjtat burime, konfirmojnë për “Fjala.al” se për “shtatshkurtrin” kuqezi ka patur interes dhe ekipe zviceriane, turke, amerikane dhe ekipe të tjera gjermane, por Kaçe duket se ka zgjedhur Hanoverin dhe zyrtarizimi pritet të vijë ditët në vijim.
Mesfushorit 27-vjeçar i ka përfunduar kontrata me PAOK, që asnjëherë nuk e ka vlerësuar për kontributin e tij dhe tashmë do të provojë një aventurë jashtë tokës helene.
/En.Br./Fjala.al
