Edi Oga është një personazh i njohur publik, profesioni i vërtetë i të cilit është mjek, pavarësisht se ne jemi mësuar ta shohim për vite me radhë në ekran si moderator.
Përmes një postimi në Facebook, moderatori duket paksa i revoltuar me situatën e vrasjeve të ndodhura së fundmi shumë shpesh në çdo cep të Shqipërisë, përfshirë edhe qytetin e tij, Elbasanin.
Ai kërkon që të ndalet larja me gjak e rrugëve, se edhe pse persona me precedentë penalë siç i quan ai, në fund fare edhe ata janë bij nënash, dhe për këtë kërkon që ata të mbahen në burg, dhe mos të vriten si qenër rrugësh.
Postimi i plotë i Edi Ogës
Elbasani im i dashur! Dikur qyteti i luleve, sot qyteti i krimit! Qyteti që bën kurban djemtë e rinj!
Përpara viteve ’90, thernim një djalë të ri në muaj! Në vitin ’97, thernim një djalë në javë!
Sot therim një djalë të ri, çdo ditë!
“Janë me precedentë penalë!”, dëgjoj të thonë. Dakord, shumica të tillë janë, por janë bij nënash, sidoqoftë! Përse ky shtet i dështuar nuk i mban në burg, por i lëshon rrugëve të vriten si qenër me sho-shoqin? Boll m’i latë me gjak rrugët e qytetit tim!
Dakord, kur ju gangsterë vriteni me njëri-tjetrin, kryeministri mbushet me frymë, por ju lutem shumë, hesapet tuaja lajini mundësisht jashtë shtetit! Mos e ndosni më Elbasanin!
Lëreni të qetë qytetin e njerëzve të butë! Lëreni të qetë, Elbasanin tim!/Bl.Ba/Fjala.al
