Një 39-vjeçar është arrestuar nga policia e Tiranës pasi ditën e sotme ka goditur sekretarin e Prokurorisë pranë Gjykatës së Shkallës së Parë Tiranë dhe ka thyer xhamat e këtij institucioni.
Pas hekurave ka përfunduar shtetasi K.SH.,39 vjeç, banues në Tiranë. Ai akuzohet për veprat penale “Goditje për shkak të detyrës” dhe “Shkatërrim i pronës”.
“Arrestimi i këtij shtetasi u bë pasi ditën e sotme rreth orës 11:40 min në ambientet e Prokurorise Pranë Gjykatës së Shkallës së Parë Tiranë ka thyer xhamat e këtij institucioni dhe ka goditur punonjësin e këtij institucioni me detyrë sekretar për pritjen e qytetarëve shtetasin K.M., 62 vjeç.” thuhet në njoftimin e policisë.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
/En.Br./Fjala.al
