Një person i shpallur në kërkim ndërkombëtar për llogari të drejtësisë Italiane, është arrestuar me qëllim ekstradimi.
Efektivët e policisë Lezhë, pas informacioneve të marra në rrugë operative për vendndodhjen e një personi në kërkim ndërkombëtar dhe një pune të mirorganizuar, në bashkëpunim me Interpol Tirana, arrestuan me qëllim ekstradimi drejt Italisë, të dyshuarin.
Bëhet fjalë për 51-vjeçarin Anton Kola, banues në Ishull Lezhë.
I ndaluari ishte i shpallur në kërkim ndërkombëtar nga autoritetet italiane, pasi Gjykata e Milanos, Itali, në mars 2011, e ka dënuar me 6 vite e 10 muaj burgim, për veprën penale “Trafikim i lëndëve narkotike”.
Ndaj të dyshuarit materialet iu referuan Prokurorisë së Lezhës, për veprime të mëtejshme./Bl.Ba/Fjala.al
