Një ngjarje e rëndë është regjistruar pasditen e sotme në Pogradec. Një person me probleme mendore ka vrarë me thikë të ëmën.
“Shtetasi O. Ç., rreth 44 vjeç (i cili vuan nga probleme mendore) dyshohet se ka qëlluar me thikë në banesë, nënën e tij shtetasen F. Ç., rreth 70 vjeçe, e cila për pasojë ka ndërruar jetë.” njofton policia.
Ngjarja ka ndodhur rreth orës 18:10, në fshatin Buçimas.
Shërbimet e policisë kanë shoqëruar në ambientet e Komisariatit autorin e ngjarjes. Grupi hetimor po punon për sqarimin e plotë të rrethanave të ngjarjes.
/En.Br./Fjala.al
