Covid-19 pandemia e vitit po vazhdon të marrë ende jetë njerëzish. Madje pandemia po ndryshon mënyrën tonë të jetesës në çdo aspekt. Shumë të interesuar janë një pjesë e madhe e njerëzve, studentëve, nxënësve se çfarë do të ndodh me vitin shkollor dhe akademik 2020-2021.
Si do të vijoj mësimi? A është gati ministria e arsimit për të rikthyer në shkolla nxënësit?A do të ketë ndryshime në tekset shkollore për institucionet parauniversitare?A janë të adoptuar tashmë mësuesit me teknologjinë?
MASR pritet të nxjerr një njoftim zyrtar përsa i përket vendimit që do të marrë për rifillimin e vitit shkollor. Drejtori ASCAP,Gerti Janaqi ka pohuar se po punohet për kurrikulat dhe programet e reja të mësimit për t’i prirë çdo lloj skenari për shtatorin.
I pyetur nga “Faktoje” Drejtori i Agjencisë së Sigurimit të Cilësisë së Arsimit Parauniversitarë tha:
“Ne jemi marrë me manualet e mësimit online dhe në fakt puna vazhdon edhe tani,ku jemi bazuar në manualet ndërkombëtare. Nuk është vendosur asgjë se çfarë do të ndodh në shtator pasi është ende herët. Një opsion është rikthimi në shkollë me protokollin strikt të masave anti-covid, i dyti është që nxënësit të bëjnë gjysmën e mësimit në shkollë dhe pjesën tjetër online,ndërsa alternativa e tretë është aplikimi vetëm i mësimit online.”
Me.Ra/Fjala.al
