Detaje të reja kanë dalë në dritë lidhur me goditjen me raketa të Iranit ndaj avionit ukrainas.
Avioni që u godit gabimisht nga forcat iraniane, sapo u ngrit nga toka në Teheran, mësohet se është goditur jo nga një, por nga dy raketa.
Sipas pamjeve ekskluzive të verifikuara nga grupi hetimor dhe të siguruara nga New York Times, duket se si avioni qëllohet dy herë me raketa.
Videoja ka bërë xhiron e rrjetit kur ato u postuan nga Babak Taghvaee, gazetar, ekspert ushtarak dhe korrespodent i lajmeve të BBC.
Pamjet tregojnë se si dy raketat tokë-ajër u lëshuan në një distancë prej pak më shumë se 20 sekondave nga njëra-tjetra, dhe se si raketat shpërthejnë në ajër avionin ukrainas.
Data në monitor nuk korrespondon me ditën e sulmit për shkak se shpërthimi ka bërë që sistemi të regjistrojë në mënyrë të gabuar datën.
Sipas reporterit të BBC, natën e 8 janarit Irani ka dhënë urdhër për të rrëzuar çdo fluturim në jug-juglindje të bazës raketore iraniane.
