Policia njofton se një ngjarje e rëndë ka ndodhur në Durrës, ku ka ndërruar jetë një 36 vjeçare, pasi dyshohet se mjekët nuk i kanë dhënë mjekimin e duhur.
Pas kësaj ngjarje, një mjek urgjence pranë qendrës shëndetësore Shijak dhe mjekja e familjes po pranë kësaj qendre janë proceduar penalisht.
Pacientja me iniciale M.K., 36 vjeçe, pasi ishte paraqitur disa herë për mjekim në Qendrën Shëndetësore Shijak, ka shkuar në shtëpi e më pas më datë 19.08.2020, është dërguar në Spitalin Rajonal Durrës ku dhe ka ndërruar jetë.
Njoftimi i policisë
Specialistët për Hetimin e Krimeve në Komisariatin e Policisë Shijak, proceduan penalisht në gjendje të lirë shtetasit M.S., 49 vjeç, banues në Durrës, me detyrë mjek i urgjencës pranë qendrës shëndetësore Shijak dhe O.S., 27 vjeçe, banuese në Tiranë, me detyrë mjeke e familjes pranë qendrës shëndetësore Shijak.
Procedimi ndaj tyre ka filluar pasi dyshohet se nuk i kanë dhënë mjekimin e duhur shtetases M.K., 36 vjeçe, banuese në Shijak, e cila pasi ishte paraqitur disa herë për mjekim në Qendrën Shëndetësore Shijak, ka shkuar në banesë e më pas më datë 19.08.2020, është dërguar në Spitalin Rajonal Durrës ku dhe ka ndërruar jetë.
Materialet i kaluan Prokurorisë së Rrethit Durrës për veprën penale “Mjekim i pakujdesshëm”.
La.Mi/Fjala.al
