Detaje të reja kanë dalë lidhur me aksidentit e ndodhur mbrëmë në orët e vona në Krujë ku 7 persona kanë mbetur të plagosura si rezultat i përplasjes së tre automjeteve.
Burime për “Fjala.al” bëjnë me dije se 5 femrat që udhëtonin me automjetin tip ‘Pezho’ kanë lënë spitalin sot pasi kanë marrë ndihmën e nevojshme mjekësore.
Mësohet se ato kishin dalë për një darkë së bashku për të festuar dhe po ktheheshin në banesat e tyre në momentin e aksidentit. Nga hetimet rezulton se drejtuesja e mjetit nuk ka konsumuar alkool.
Ekspertiza për shkaqet e aksidentit nuk ka dalë akoma, por nga hetimet paraprake, fillimisht është përplasur ‘Benzi’, ku udhëtonte vetëm një vajzë, me ‘Audin’, më pas ‘Pezho-ja’ ka ardhur me shpejtësi dhe është përplas lehtë me ‘Audin’.
Sipas informacioneve tre automjetet kanë qenë me shpejtësi, por fatmirësisht të plagosurat ndodhen jashtë rrezikut për jetën.
Përplasja e tre makinave, ka përfunduar me shtatë vajza dhe gra të plagosura në Krujë. Ngjarja e rëndë është shënuar rreth orës 00:10 të mesnatës, sapo kishte hyrë e premtja.
Në Derven, një mjet tip “Audi” me drejtues shtetasin E.M., është përplasur me mjetin tip “Benz” dhe me mjetin tip “Pezho” me drejtuese shtetasen O.S.
Për pasojë janë lënduar drejtuesja dhe pasagjerët në mjetin tip “Pezho” shtetaset Ornela Osmani, 30 vjeçe, S.O., 50 vjeçe, V.B., 20 vjeçe, Sh.B., 46 vjeçe, A.B., 21 vjeçe dhe Alketa Volaj, 33 vjeçe.
Grupi hetimor po punon për zbardhjen dhe dokumentimin e plotë të ngjarjes./Bl.Ba/Fjala.al
