Një ngjarje e rëndë është regjistruar këtë mëngjes të shtune në qytetin e Srandës ku një person është rrëzuar aksidentalisht nga pema dhe ka marrë dëmtime të rënda.
Ngjarja ka ndodhur në orët e para të mëngjesit ku 48-vjeçari Dervish Mahilaj, lindur në një fshat të Vlorës dhe banues në Berdenesh të Sarandës është rrëzuar nga fiku.
Si pasojë ai ka marrë dëmtime të shumta dhe është dërguar me urgjencë me helikopter drejt Tiranës për ndihmë të specializuar.
Ai ka pësuar rënie aksidentale nga fiku në shtëpinë e tij dhe sipas bluzave të bardha të Sarandës ka dëmtime në shtyllën kurrizore./Bl.Ba/Fjala.al
