Vetëm një ditë pas konsensusit politik në tryezën e përbashkët për Reformën Zgjedhore, opozita pritet të dalë në rrugë për protestë.
Nga burime brenda selisë blu, mësohet se opozita mund të zhvillojë një protestë kombëtare simbolike për të kujtuar djegien e mandateve.
Ka qenë ideja e një prej 61 kryetarëve të Partisë Demokratike në rrethe gjatë mbledhjes së Kolegjit të Kryetarëve, për të zhvilluar këtë protestë, por ende nuk dihet cili do të jetë vendimi i kryedemokratit Lulzim Basha.
Dy data të mundshme për zhvillimin e kësaj protest janë 20 dhe 22 shkurt që përkojnë me 1-vjetorin e djegies së mandateve, por nuk ka ende një vendimmarrje.
Nuk dihet nëse ky propozim do të ketë në prapavijë një valë protestash, apo do të mbyllet vetëm me kujtimin e aktit të paprecedentë të djegies së mandateve.
Pas mbledhjes së kryetarëve, krydemokrati Lulzim Basha pritet të mbledhë edhe ish-deputetët demokratë që dogjën mandatin rreth një vit më parë, e më pas edhe aleatët e djathtë në orën 20:30. /Fjala.al