27 gushti, trendi misterioz i TikTok -ut

Data 27 gusht për përdoruesit e TikTok-ut ishte një datë misterioze. Adhuruesit e aplikacionit që po bën namin kohët e fundit, nisën numërimin mbrapsht për këtë datë.

Ky trend, goxha misterioz nisi që në korrik, kur njerëzit filluan të postonin  video duke i kujtuar njeri-tjetrit të mbanin mend datën apo duke njoftuar të tjerët se ishin “zgjedhur” për të marrë mesazhin.

Ç’është e gjithë kjo?

Për hir të së vërtetës, askush nuk e di pse 27 gushti është kaq i rëndësishëm- ndoshta gjëra të mëdha mund të ndodhin sot dhe njerëzit të marrin lajme të mira, por çfarë ka rëndësi është që kjo datë është në radarin e të gjithëve.

Pavarësisht sa i famshëm është trendi, 27 gushti mbetet “i rëndësishëm” vetëm se kështu duan përdoruesit e TikTok-ut.

Kjo datë u bë e famshme pas mesazheve të tipit: “Urime, ju jeni i zgjedhur. Kujtoni datën 27 gusht. Eshtë e rëndësishme.”

Trendi i datës 27 ka shkaktuar reagime, pasi kishte nga ata që e morën goxha seriozisht.

“Pse mendojnë të gjithë që do të vdesin në këtë datë si Jezu Krishti. Qetësohuni, është thjesht TikTok.”- sqaron dikush.

Mesazhet e çuditshme që lidheshin më këtë datë u bënë aq të famshme, sa hashtagu #august27 është më i përdoruri për momentin, pasi njerëzit e vendosin edhe në video që nuk kanë asnjë lidhje me të.

Disa, e kanë lidhur këtë datë me një teori të “The Simpsons” të cilët predikonin vdekjen e presidentit Trump. Të tjerë thonë se 27 do të sjellë gjëra të mira dhe energji pozitive. Në fund të ditës, 27 gushti është thjesht një ditë e zakonshme si gjithë të tjerat, por le ta shohim ç’ndodh deri në fund./Fjala.al/Ke.Ba

Burimi: Business Insider