Është bërë publike lista e futbollisteve të Kombëtares të cilët do luajnë në dy sfidat e muajit shtator kundër Bjellorusisë dhe Lituanisë.
Trajneri Reja ka thirrur ne Kombëtare dy futbollistët e rinj Armando Broja i Çelsit dhe Ramen Çepele i Interit. Dy futbollistët e rinj 17 dhe 19 vjeç thirren për herë të parë në Kombëtaren A.
Ndërkohë për herë të parë Reja ka aktivizuar dhe dhe ish-kapiteni i Shpresave, Qazim Laçi.
Sfida e parë për kuqezinjtë do luhet në 3 shtator në Bjellorusi ndërsa tri ditë më vonë Shqipëria do mirëpresë Kombëtaren lituaneze.
Ndërsa gjatë konferencës për mediat i pyetur për gjendjen e lojtarëve, trajneri i kombëtares Edi Reja u shpreh se momenti që po jetojmë për shkak të COVID-it është i vështirë duke ngritur pikëpyetje.
“Po jetojmë një moment të vështirë, kam folur vazhdimisht me lojtarët, disa kanë nisur kampionatet, shpresoj që të bëjnë një formë të mirë. Ne po i ndjekim të gjithë lojtarët, do ishte mirë ti kishim të gjithë në grumbullim.
Në ndeshjet e fundit kemi treguar se përfaqësuesja po rritet, ka shumë pikëpyetje si do t’i gjejmë lojtarët pas një shkëputje shumë të madhe. Bjellorusia është një nga skuadrat më të forta, më shqetëson gjendja e lojtarëve se nuk i kam parë. Po përpiqemi që të marrim edhe shumë lojtarë të rinj për të arritur objektivin, kualifikimin” tha ai./Jo.Be/Fjala.al
