Këshilli i Ministrave ka miratuar vendimin për kalimin e të drejtës së pronësisë në favor të subjekteve përfituese, për 618 parcela ndërtimore të objekteve të legalizuara dhe kompensimin financiar të pronarëve të pasurive të paluajtshme që preken prej tyre. Sipërfaqja e përgjithshme që kompensohet është 26 mijë e 416 metra katrorë dhe vlera e kompensimit financiar është 229 milion e 260 mijë lekë.
Numri i parcelave ndërtimore për të cilat miratohet kalimi i pronësisë sipas qarqeve është, si më poshtë vijon:
Për Qarkun Tiranë (Drejtoritë Vendore të Agjencisë Shtetërore të Kadastrës Tiranë), numri i parcelave ndërtimore është 137, me sipërfaqe të përgjithshme 32 325 m²;
Për Qarkun Berat (Drejtoria Vendore e Agjencisë Shtetërore të Kadastrës Berat), numri i parcelave ndërtimore është 1, me sipërfaqe të përgjithshme 350 m²;
Për Qarkun Elbasan (Drejtoria Vendore e Agjencisë Shtetërore të Kadastrës Elbasan), numri i parcelave ndërtimore është 315, me sipërfaqe të përgjithshme 86 549 m²;
Për Qarkun Durrës (Drejtoria Vendore e Agjencisë Shtetërore të Kadastrës Durrës, Krujë), numri i parcelave ndërtimore është 30, me sipërfaqe të përgjithshme 8 898 m²;
Për Qarkun Gjirokastër (Drejtoria Vendore e Agjencisë Shtetërore të Kadastrës Gjirokastër dhe Tepelenë), numri i parcelave ndërtimore është 53, me sipërfaqe të përgjithshme 10 322 m²;
Për Qarkun Vlorë (Drejtoria Vendore e Agjencisë Shtetërore të Kadastrës Vlorë dhe Sarandë), numri i parcelave ndërtimore është 10, me sipërfaqe të përgjithshme 5 185 m².
Për Qarkun Fier (Drejtoria Vendore e Agjencisë Shtetërore të Kadastrës Fier, Lushnjë), numri i parcelave ndërtimore është 9, me sipërfaqe të përgjithshme 2 294 m²;
Për Qarkun Lezhë (Drejtoria Vendore e Agjencisë Shtetërore të Kadastrës Lezhë), numri i parcelave ndërtimore është 35, me sipërfaqe të përgjithshme 6 328 m².
Për Qarkun Kukës (Drejtoria Vendore e Agjencisë Shtetërore të Kadastrës Kukës), numri i parcelave ndërtimore është 7, me sipërfaqe të përgjithshme 2 130 m²;
Për Qarkun Korçë (Drejtoria Vendore e Agjencisë Shtetërore të Kadastrës Korçë), numri i parcelave ndërtimore është 2, me sipërfaqe të përgjithshme 770 m²;
Për Qarkun Tiranë dhe Shkodër (Drejtoria e Agjencisë Shtetërore të Kadastrës, Zonat e Stimuluara), numri i parcelave ndërtimore është 19, me sipërfaqe të përgjithshme 8 399 m².
Për kompensimin e pronarëve përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen.
