Shpesh herë veshja e grave myslimane të mbuluara është bërë temë veçanërisht kur ato shkojnë në plazh dhe duken mjaft ndryshe nga pjesa tjetër e turistëve që mundohen të marrin sa më shumë rreze dielli.
Një rast i tillë është sjell sërish në vëmendje nga Pjetër Logoreci i cili teksa jep disa sqarime rendit edhe njëra pas tjetrën tre ditë plazhi për këtë kategori turistësh.
Postimi i plotë
Velipojë, Ada Long Beach. Plazh….
Dita e parë: Erdhën. Të tjerët u ç’veshën dhe u futën në det. Ajo nuk u ç’vesh. Hyri në ujë ashtu siç erdhi, veshur me kostumin arab të banjos, e gjitha e mbuluar, nga këmbët tek koka.
Dita e dytë: Erdhën. Të gjithë u ç’veshën dhe u futën në det. Ajo mbante bikini, nga ato që është e vështirë t’ja dalloje në trup.
Ne, të përditëshmit për rreth, pamë në sy njeri tjetrin të çuditur. Mendova: Sot “punëdhënësit” nuk do ta paguajnë, emri i saj nuk do të jetë në borderonë e pagesave të “ndërmarrjes arabe”.
Dita e tretë: Erdhën shumë. Disa u ç’veshën dhe u hodhën në det. Ajo dhe gratë nuk u ç’veshën. Hynë në ujë të mbuluara nga kostumi arab i banjos “Koka / Këmbët.
Ne, të përditshmit, nuk u çuditëm më.
Velipojë, me 26.08.2020/Bl.Ba/Fjala.al
