Nëse Partia Socialiste nuk fiton 71 deputetë por shumicën e vendeve, do t’i duhet të bëjë koalicion me një forcë të tretë apo të katërt. A mund të jetë kjo LSI dhe mund të kemi një përsëritje të situatës në vitin 2009 kur PD dhe LSI bën një koalicion për të mos çuar vendin në zgjedhje të tjera? Pikërisht për këtë mundësi në zgjedhjet e 25 prillit e pyeti gazetari Roland Qafoku ilir Beqjan gjatë emisionit HARD TALK.
-Sa ekziston mundësia që PS të bëjë koalicion me LSI nëse nuk merr numrin e nevojshëm të mandateve për të krijuar qeveri?
-Gjërat janë shpejt për tu thënë sot, po nëse do duhet për tu bërë 71, do duhet të vendoset edhe në koalicion vetë kryetari i PS dhe kryeministri aktual, vetë lidershipi i partisë do bëjë vlerësimet maksimale në funksion të së mirës edhe të vendit, edhe të partisë. Sot për sot, ajo që përfaqëson LSI në opinionin publik nuk përbën ndonjë interes që të kemi ndonjë dëshirë për të patur një komunikim para-elektoral. /Fjala.al/Ke.Ba
