Ilir Beqja ishte një nga hartuesit e programit të Partisë Socialiste kur kjo forcë ishte në opozitë. Një nga pikat më rëndësishme të këtij programi ishte edhe shëndetësia falas. Por çfarë thotë hartuesi Ilir Beqja pas 7 vitesh në pushtet të kësaj partie. Gjatë emisionit HARD TALK NGA ROLAND QAFOKU beja tha se së pari në program është shkruar pa pagesë dhe jo falas.
-Sot si është shëndetësia? Keni thënë që shëndetësia do jetë falas. Pas 7 viteve, jo vetëm shëndetësia që nuk është falas por është një nga arsyet që shqiptarët ikin jashtë.
-Atë që kam botuar, e kam shkruar vetë dhe nuk e gjen fjalën falas. Është “kujdes shëndetësor pa pagesë”.
-Po pa pagesë çfarë domethënë?
-Falas. Në krahasim me 2017 qindra mijëra njerëz që ishin pasiguruar dhe që janë akoma, te mjeku i familjes duhet të paguanin, nuk paguajnë më. Mjeku i familjës është falas. Kjo vizitë falas mundëson dy gjëra të rëndëishme atye 600 mijë vetave që ishin të pasiguruar. Përfshihen në skemën e barnave të rimbursueshme nëse kanë sëmundje kronike dhe kjo ndodh që nga janari 2017. Përfshihen në të gjitha vizitat dhe ekzaminimet falas apo me tarifë jo më të madhe se 3 mijë lekë të vjetra dhe po të jetë rezonancë, dhe po të jetë skaner që nga janari 2016. Sot Shqipëria mund të jetë një nga vendet më të përparuara në Evropë për rradhet e pritjes të skanerit dhe rezonancës falas. Në Shqipëri, nëse do të bësh një skaner sot rradha është 48 orë, tarifa 0. Nëse do të bësh një rezonancë magnetike rradha është maksimumi 17 ditë dhe tarifa është 0. /Fjala.al/Ke.Ba
