Një marrëdhënie pozitive midis nxënësit dhe mësuesit është e vështirë të përcaktohet, por mund të gjendet shpesh. Disa nxënës kanë surprizuar mësuesin e tyre, Çezarin, të cilin e donin shumë.
Ai jepte mësim lëndët shkencore dhe nxënësit kishin një admirim të veçantë për të. Në një video që po qarkullon në rrjetet sociale, shihet teksa ata i bëjnë atij një dhuratë. Në videon e publikuar shihet teksa mësuesi hap dhuratën gjithë emocion në klasë së bashku me nxënësit e tij.
Ai surprizohet kur hap kutinë dhe sheh një palë këpucë të cilat nxënësit ia kishin blerë të gjithë bashku.
Ky gjest e emocionoi shumë dhe ai u përlot para gjithë klasës.
Mësuesi i tyre, Çezari, ecte çdo ditë 5 milje për të dhënë mësim në atë shkollë dhe nuk kishte mundësi që të blinte një palë këpucë të reja, kështu që nxënësit e tij vendosën që t’ia dhuronin. Ka.Li/fjala.al
