Trajneri i Tottenham, Jose Mourinho do të marrë një bonos prej 2.35 milionë euro nëse ekipi i drejtuar prej tij arrin të kualifikohet në Ligën e Kampionëve.
Mourinho u vendos në krye të Spursave në muajin nëntor të 2019,pasi shkarkimit të trajnerit Mauricio Pochettinos pasi niveli i skuadrës kishte rënë shumë poshtë.
Në kohën kur portugezi u vendos në krye të Tottenham, ekipi ishte 11 pikë larg vendit të katër dhe ky bonos iu ofrua, për shkak se misioni dukej pak a shumë i pamundur.
Nëse ia del të kualifikojë Spursat në Ligën e Kampionëve, tekniku do e meritonte një shumë të tillë, por lëndimet e lojtarëve në veçanti të Harry Kane e bëjnë akoma më të vështirë arritjen e këtij qëllimi.
Megjithatë, Mourinho shpreson se skuadra mund të përforcohet gjatë afatit kalimtar dhe mendon se mund t’ia arrijë qëllimit,pasi tashmë Tottenham ndodhet vetëm nëntë pikë larg vendit që e kualifikon në Champions League./Fjala.al/
