Komisioni i Pavarur i Kualifikimit ka shkarkuar nga detyra gjyqtarin e Apelit Artur Gaxhajn.
KPK-ja ka konstatuar se Gaxhaj kishte një sërë problemesh në deklarimin dhe justifikimin e pasurisë së tij dhe ka vendosur përfundimisht shkarkimin e tij nga detyra.
Inspektoriati i Lartë i Deklarimit të pasurive në seanca të mëparshme nuk kishte konstatuar parregullsi në pasurinë e gjyqtarit Gaxhaj, por KPK-ja e rrëzoi këtë gjatë seancës gjyqësore.
Sipas relatores Qirko, Artur Gaxha rezulton me shumë parregullsi dhe me pamundësi financiare për krijimin e pasurive të tij dhe marrjes se huave.
Vet Gaxha shprehet se raporti i KPK-së ka gabime të rënda dhe është i pabazuar në prova.
Artur Gaxha ka filluar karrierën e tij në fushën e drejtësisë në vitin 1995. Për më shumë se një dekadë ka punuar në Gjykatën e Tiranës dhe më pas në vitin 2016 është emëruar gjyqtar i Gjykatës së Apelit Tiranë.
Vendimi i komisionit është bazuar në një raport i cili konstaton pamundësi financiare për blerjen e një apartamenti në Tiranë rreth 180 m2 në vitin 2015, me vlerën e 200 mijë eurove.
Si burim krijimi të kësaj pasurie, ai ka deklaruar një kredi në vlerën 120 mijë euro, 41 mijë euro të përfituara nga shitja e një apartamenti në Golem, 1.5 milionë lekë nga shitja e një automjeti dhe kursime familjare.
Përpos kësaj, janë konstatuar edhe parregullësi të tjera në lidihje me pasurinë. /Ra.My.Fjala.al/
