Ditën e djeshme kryetari i Partisë Republikane, Fatmir Mediu shfaqi shenja pakënaqësie ndaj kreut të opozitës. Lulzim Basha.
Ndërkohë, ditën e sotme edhe Kreu i LZHK-së, Dashamir Shehi ka mbështëtur Jozefina Topallin për qëndrimet dhe idetë e saj, duke dalë indirekt edhe kundra Bashës.
I ftuar pasditen e sotme në Report Tv, Shehi tha se mbështet idenë e Jozefina Topallin që vendit i duhet një ndryshim i rëndësishëm e jo vetëm një rotacion politik.
“Jam dakord me Topallin kur thotë se nuk kemi nevojë thjesht për rotacion, por kemi nevojë për një përmbysje të madhe”, shprehet ai. Por për të arritur ndryshimin, sipas tij, nevojitet kontributi edhe i Jozefina Topallit.
“Për mua është e mirëpritur përtej ideve që i shpreh me një pathos të madh, por unë gjykoj që Shqipëria ka nevojë për bijtë e bijat e veta ku hyn edhe Jozefina.”
Shehi pranon se edhe ndaj tij ka patur oferta për të lënë aleancën me Lulzim Bashën, por thotë se ata që kanë marrë përsipër të bëjnë ndryshimin, duhet ta bëjnë me ndershmëri dhe jo nëpërmjet pazareve.
Pa.Va/ Fjala.al
