Cristiano Ronaldo vazhdon të thyejë rekorde edhe në moshën 35 vjeçare. Golashënuesi më i mirë i të gjitha kohërave për Real Madrid-in, Portugalinë dhe Ligën e Kampionëve është gjithmonë në kërkim të sfidave të reja. Vitet kalojnë për të gjithë futbollistët, por vendosmëria e CR7 për të ruajtur cilësitë e tij e mban atë në krye edhe pas 19 vitesh, në nivelin më të lartë.
Edhe pse kurrë nuk e ka fshehur stilin e shëndetshëm të jetesës, shumë njerëz pyesin se cili është sekreti i portugezit. Fiziku i tij i lakmueshëm është rezultat i orëve të gjata të stërvitjës dhe punës së palodhshme në fushë dhe në palestër. Por një pjesë e mirë e suksesit të tij bazohet në një dietë të shëndetshme dhe të ekuilibruar.
Që nga janari, portugezi mbështetet tek kuzhinieri Giorgio Barone për dietën e tij. Shefi i mirënjohur italian ka shoqëruar yje të tjerë të futbollit si Aquilani, Ambrosini, Stegano Sensi apo Prince Boateng, të cilin e ndihmoi të arrinte ekuilibrin që kërkonte kur nënshkroi me Las Palmas.
“Ai i gatuan makaronat si askush tjetër”, thonë ata që e njohin. Edhe pse makaronat janë shumë të rëndësishme në dietën e futbollistit, Giorgio nuk mbetet vetëm në produktin e Italisë së tij të dashur. Ai shpjegon se rutina e tij konsiston në shumë më tepër sesa të bësh ushqim. Giorgios i pëlqen të zgjedhë produktin më të mirë në treg çdo mëngjes për të përgatitur pjatat e tij, duke marrë parasysh atë që i duhet klientit të tij – dhe atë që klienti i tij kërkon në çdo moment. Përveç kësaj, Barone tashmë ka nxjerrë edhe markën e tij të verës.
CR ka vendosur të gjithë besimin e tij tek Shef Barone dhe rezultatet janë të dukshme.
Sekreti i portugezit është i ruajtur mirë, pasi Barone gjithmonë është karakterizuar si një njeri i afrueshëm, por sekretiv për intimitetin e futbollistëve me të cilët ka punuar. Përveç recetave të tij të shijshme, besnikëria dhe profesionalizmi i tij e kanë ngulitur atë në kuzhinat e yjeve të futbollit. Thonë se “një stomak i lumtur është i barabartë me një zemër të lumtur”. Giorgio Barone përballet me një sezon në të cilin do të ketë sfidën e vështirë për të mbajtur të lumtur stomakun e yllit të momentit: Cristiano Ronaldo.
Fj.Ak/Fjala.al
