Bota e futbollit po përgatitej për lëvizjen më të bujshme në historinë e saj, teksa Leo Messi paralajmëroi largimin nga Barcelona. Kjo deklaratë e tij shkaktoi shumë zhurmë dhe polemika brenda “Camp Nout” duke arritur deri aty sa tifozët shpërthyen në protesta pranë selisë së klubit. Por ‘pleshti’ vendosi të bëjë hapa pas duke qëndruar në skuadrën që bëri histori.
Por ky vendim i Messit ka bërë që Barcelona të nxjerrë në merkato 12 lojtarë. Sipas Mundo Deportivo-s, Luis Suarez është emri më i rëndësishëm i kësaj liste. Uruguaiani dukej sikur do të transferohej tek Juventus, por situata është komplikuar nga një ofertë e bërë nga Atletico Madrid në momentet e fundit.
Besohet se Suarez ka dëshirë të qëndrojë në Spanjë, ku edhe ndihet shumë mirë me familjen e tij. Gjithashtu të përfshirë në listë janë Martin Braithëaite, Samuel Umtiti, Jean-Clair Todibo, Nelson Semedo, Arturo Vidal dhe Rafinha.
Edhe dy mbrojtësit e majtë Junior Firpo dhe Juan Miranda janë me valixhet në dorë, ashtu si Monchu, Moussa Wague dhe mesfushori veteran Sergio Busquets.
Pa.Va/Fjala.al
