“Nuk dua para. Nuk dua ushqim, dua të shkoj në një vend më të mirë ku të shkollohem. Ne nuk jemi terroristë”.
Kështu deklaroi një vajzë e re nga Afganistani, e cila është kapur nga policia e Pogradecit, bashkë me 5 të tjerë, pasi kishin hyrë ilegalisht në vendin tonë.
Mes lotëve dhe duke u ngashëryer, vajza trondit me rrëfimin e saj, ndërsa pohon se ajo kishte udhëtuar me ditë të tëra për një jetë më të mirë.
Këtë histori të dhimbshme ka shpërndarë në rrjetin e saj social Facebook edhe ish-kryetarja e Kuvendit Jozefina Topalli e cila bën apel për ndihmë për fëmijët afgane që erdhën në Shqipëri.
“Nuk dua as para as ushqim. Vajza nga Afganistani shpërthen në lot pasi kapet nga policia shqiptare. Nuk jemi terroriste!” Dikur ishim ne shqiptarët… me sa duket ne harrojmë shpejt.
Ata duhen ndihmuar, se fëmijët janë të pafajshëm Janë dëshmitarë të një tragjedie të paparë!
Shteti shqiptar mund t ia lehtësojë dramën… Po si nuk flet asnjë as për këtë krizë të refugjatëve..?!!!!”/Bl.Ba/Fjala.al
https://www.facebook.com/jozefina.topalli.9/posts/3279385405481250
