Trajneri i Manchester City-t, Pep Guardiola ka pranuar humbjen e titullit kampion të Premierë Ligës pas dështimit në ndeshjen kundër Crystal Palace mbrëmjen e djeshme.
City nuk arriti që të merrte fitore edhe pse luante në shtëpi, duke e mbyllur ndeshjen me Palace me rezultatin 2-2 dhe duke ngelur kështu plot 13 pikë larg vendit të parë të mbajtur nga Liverpool.
Këto rezultate kanë bërë që në komunikimin e tij me mediet, Guardiola të shprehet se qëllimi kryesor i tij dhe i skuadrës tashmë është kualifikimi në Ligën e Kampionëve.
“Ne bëmë gjithçka për të fituar ndeshjen dhe fatkeqësisht në fund humbëm dy pikë sepse nuk mund të ndalonim kundërsulmin”,-tha fillimisht spanjolli.
Më tej ai shtoi skuadra e Manchester City-t duhet të përpiqet e të vazhdojë përpara, pasi ka ende dhe shumë ndeshje të tjera të cilat duhet të fitohen.
Por, ne duhet të vazhdojmë, ka ende shumë ndeshje për të luajtur. Ne duhet të përpiqemi të sigurojmë një vend për Ligën e Kampionëve sezonin e ardhshëm”, -u shpreh menaxheri katalunas.
City është tashmë plot 14 pikë para vendit të pestë të mbajtur nga Manchester Unitedi-t./Fjala.al/
