Kryeparlamentari Gramoz Ruçi është treguar tejet i ashpër me ministrat dhe deputetët e mazhorancës.
Këta të fundit nuk po mbanin qetësi teksa Ruçi po lexonte nenet e buxhetit të shtetit për të kaluar në votim.
Por, disa prej ministrave ishin duke biseduar me njëri-tjetrin. Aq sa u desh ndërhyrja e kryeparlamentarit që të mbanin qetësi, në të kundërt do të pezullonte seancën parlamentare.
“Ju lutem dhe njëherë zotërinj ministra, do pezulloj seancën vetëm për juve. Miratohet buxheti i shtetit. S’keni ardhur për muhabete këtu”, iu drejtua Ruçi ministrave të Qeverisë.
