Brenda dhjetorit të vitit 2021 nuk do të ketë më asnjë lekë TVSH të pa rimbursuar. Lajmi është bërë i ditur nga drejtoresha e përgjithshme e tatimeve Delina Ibrahimaj në një konferencë për mediat.
Drejtoria e Përgjithshme të Tatimeve, në total deri në Qershor 2019, ka akumuluar 69.3 milion lekë detyrime të prapambetura për vendime gjyqësore lidhur me rimbursimin e TVSH. Sipas të dhënave nga Ministria e Financave gjatë 3-mujorit Prill-Qershor 2019 DPT ka krijuar 20.8 milion lekë detyrime të reja.
Ibrahimaj bëri të ditur gjithashtu se është ngritur një zyrë të veçantë për hetimet e rasteve të mashtrimit. Me këtë drejtori ne synojmë të rrisim të ardhurat nga subjektet që kryejnë shkelje.
Ndërsa në lidhje me fiskalizimit Ibrahimi bëri të ditur se për biznesin ky proces nuk ndryshon asgjë, për tatim paguesit por ndryshon plotësisht qasjen e tatimeve. “Kryqëzimi i faturave që ne do të marrim për faturat elektronike në përgjithësi me librat që sjellin subjektet do të ketë një eficencë të rritur. Në fund të vitit 2021 në do të kemi një rezultat për fiskalizimin”-tha Ibrahimi.
