Ish-deputetja e Partisë Demokratike, Grida Duma të hënën ka akuzuar qeverinë Rama se ka paguar dy million Euro për inceneratorin e Fierit dhe të Tiranës.
Në një deklaratë për mediat nga selia blu, Duma theksoi se deri më sot janë paguar plot 75 milionë Euro për të ashtuquajturët inceneratorë që as nuk ekzistojnë.
“Dy 2 milion Euro, në këto ditë të vështira, ditë të zeza për shpenzimet e shqiptarëve, ku seicili ka nevojë për ndihmë financiare të drejtëpërdrejtë, ndërsa Edi Rama çirret e ulëret se s’ka para, para paska për çfarë, për inceneratorët”, tha Duma.
Sipas saj, këto para po vidhen dhe më pas i nxjerrin jashtë Shqipërisë, për t’i fshehur në parajsa fiskale.
Duma u shpreh se pas disa muajsh pandemie dhe pas vitesh krizë ekonomike, shqiptarët meritojnë më shumë se çdo moment tjetër të jepen para nga taksat e tyre, që t’mos falimentojnë plotësisht.
“Cfarë bën Edi Rama?! Jep 2 milion euro për inceneratorët. Ky është prioriteti, inceneratorët? Ky është proriteti kur mjekët gënjehen se do merrnin shpërblimn e pandemisë dhe marrin thuajse asgjë në raport me punën, ky është prioriteti inceneratorët?! Kur mësuesit punojnë me tre turne dhe nxënësit shpenzojnë përditë për maska e mjete mbrojtëse ndërsa bëjnë vetëm dy oër mësim. Ky është prioriteti? Kur pensionistët që s’blejnë dot as ilaçet, tani shpenzojnë edhe më shumë për të dalë në rrugë të mbrojtur nga pandemia. Prioritet është të sigurohen maska per gjithe dimrin për 1 milion shqiptarë dhe këtë duhet të bënte qeveria”, tha ajo.
Ish-deputetja demokrate theksoi ndër të tjera se vendimi i Edi Ramës për të çuar paratë e taksave të rritura jo tek shqiptarët, por tek 5 njerëz, është një akt kriminal, duke shtuar në fund, se 25 prilli do të shënojë fillimin e fundit të pandëshkueshmërisë.
Duma theksoi se një gjë e tillë do të ndodhë, duke e nisur në krye të radhës, me përgjegjësin e parë të krizës: Edi Ramën./Re.D/Fjala.al
