80 raste të reja pozitive dhe 3 viktima nga Covid-19 janë shënuar gjatë 24 orëve të fundit në Maqedoninë e Veriut.
Kryesisht viktimat janë nga Shkupi, Struga dhe Strumica, duke e çuar numrin e përgjithshëm të viktimave në 800, shumica prej të cilëve nga Shkupi.
Kryeqyteti maqedonas mban numrin më të madh të të infektuarve në 24 orët e fundit, gjithsej 54 raste. Raste aktive në nivel të vendit janë 3.996 persona. Numri i të shëruarve gjithashtu ka shënuar rritje me 97 persona duke e çuar në 16.397 numrin e përgjithshëm të atyre që e kanë fituar betejën me COVID-19.
Deri më tani me koronavirus janë diagnostikuar 21.193 persona nga rreth 210 mijë teste të kryera. Ndërkohë, në kuadër të masave për mbrojtje nga pandemia Qeveria e Maqedonisë së Veriut ka miratuar propozimin e Komisionit për Sëmundje Infektive për mbajtjen e maskave në hapësirat publike, përveç në rastet e aktiviteteve fizike në natyrë dhe në makinë kur udhëtojnë persona të të njëjtës familje. Maskat do të jenë të obligueshme edhe në hapësira publike, transport publik dhe institucione publike ndërsa pas orës 22.00 nuk do të lejohen grumbullime të më shumë se katër personave. Qeveria ka kërkuar respektimin e masave si mundësi e vetme për mbrojtje nga COVID-19 dhe mosngarkimin e sistemit shëndetësor.
Kujtojmë që ditën e djeshme në Maqedoninë e Veriut u shënuan 177 raste të reja dhe 5 viktima, ndërkohë shifrat ditën e sotme janë ulur ndjeshëm. Sipas Ministrisë së Shëndetësisë, sot ishte një nga ditët me më pak raste në javët e fundit.
Pa.Va/Fjala.al
