Ambasadorja amerikane Yuri Kim pas përfundimit të projektit TAP shkruan se ky investim do ta vendosë Shqipërinë në hartën rajonale të energjisë.
“TAP do të transportojë gaz natyror nga Deti Kaspik në Evropë përmes Greqisë dhe Shqipërisë. Kjo është strategjikisht e rëndësishme, pasi e bën Shqipërinë një pjesë integrale të arkitekturës së larmishme rajonale të energjisë. Diversifikimi i energjisë, sigurisë dhe pavarësisë,” shkruan Kim.
Pas pothuajse katër vite e gjysmë që nga fillimi i ndërtimit, gazsjellësi Trans Adriatik ka përfunduar punimet. TAP është mbushur dhe ka transportuar gaz natyror nga kufiri Greko-Turk deri në terminalin e Italisë Jugore.
Pika e Ndërlidhjes midis tubacionit TAP dhe sistemit të transmetimit të gazit natyror në Pulia pritet të përfundojë dhe të jetë gati për të transportuar gaz në nëntor të vitit 2020.
TAP do të transportojë gaz natyror nga fusha gjigante Shah Deniz II në Azerbajxhan deri në në Evropë. Tubacioni 878 km i gjatë lidhet me Gazsjellësin Trans Anatolian ( TANAP ) në kufirin Turko-Grek në Kipoi, kalon në Greqi dhe Shqipëri dhe përfundon në Italinë e Jugut.
la.mi/Fjala.al
