“Grammy Awards” është një nga eventet më të rëndësishme muzikore në mbarë botën dhe padyshim të gjithë ata që ngjiten në atë skenë janë njerz me fat. Këtë vit, për herë të parë një këngëtare me origjinë shqiptare do të jetë pjesë e “Grammy Aëards” si një nga prezantueset e eventit.
Bëhet fjalë për Bebe Rexhën, e cila do të ngjitet në skenën e “Grammy Awards” si prezantuese. Lajmin e ka dhënë vetë këngëtarja përmes një postimi të bërë në “Instagram”. Bebe ka publikuar një foto, që tregon se ajo është përzgjedhur si një nga prezantueset e eventit muzikor.
“Jam e lumtur që këtë vit do të jem në ‘Grammy’ përkrah kolegëve të mi të talentuar”, ka shkruar Bebe përkrah imazhit të saj. Ende nuk janë zbuluar emrat e tjerë të prezantuesve, por është e sigurt se Bebe Rexha i ka bërë krenarë të gjithë fansat e saj shqiptarë me këtë lajm.
Në 20 nëntor 2019-të, Bebe Rexha prezantoi së bashku me Alicia Keys dhe Gayle King të gjitha nominimet e “Grammy Awards”. Pavarësisht se këtë vit nuk është nominuar në asnjë kategori, në 2019-tën Bebe Rexha u nominua për çmimet “Artistja e re më e mirë” dhe “Performanca më e mirë e muzikës ‘country’”.
