Myrto Uzuni do të humbasë sfidën e madhe në “Camp Nou” për shkak të Covid-19.
Futbollisti beratas nuk ka qenë në listën e të grumbulluarve për ndeshjen ndaj Kisvardës në kampionatin hungarez të premten. Gjithashtu ai nuk ka marrë pjesë as në seancat stërvitore të Ferencvaros ditët e fundit.
Uzuni humbet kështu përballjen historike me Lionel Messin në Spanjë. Ende nuk ka një reagim zyrtar nga ana e klubit për mungesën e Uzunit, por mësohet se futbollisti nuk ka simptoma dhe është në gjendje të mirë shëndetësore, në pritje që tamponi të dalë dy herë negativ për t’u kthyer përsëri në fushën e lojës.
Uzuni ka qenë një lojtar vendimtar për skuadrën e tij në kualifikueset e Uefa Champions League. Ferencvarosi i tij do të përballet me Juventusin dhe Barcelonën në grupe kështu që Uzuni do të ketë mundësi të përballet me Ronaldon dhe Messin në ndeshjen e kthimit.
Pa.Va/Fjala.al
