Një 43-vjeçar është gjetur i pajetë brenda ambientit të punës së tij ditën e djeshme në Himarë. Sipas informacioneve mësohet se ai punonte si berber dhe është identifikuar si Bujar Çela.
Në momentin që është gjetur i pajetë është lajmëruar policia. Sipas burimeve nga policia, është dashur ndërhyrja e bluve për të thyer xhamat e për të hyrë brenda saj.
Në momentin që policia ka hyrë brenda berberhanës, motori është gjetur i ndezur, ndërsa deri më tani nuk ka patur pretendime për vdekjen e tij, dhe ajo është raportuar si një vdekje aksidentale tek familja.
Por për vdekjen e tij janë dy pista. E para se: 43-vjeçari ka harruar motorin ndezur natën dhe ndotja i ka shkaktuar asfiksinë dhe vdekjen.
Ndërsa e dyta, se berberi është gjetur i vdekur në tualetin e dyqanit, dhe se mund të ketë rrëshqitur dhe të ketë gjetur vdekjen pas përplasjes së kokës.
Policia ka nisur hetimet për zbardhjen e plotë të shkaqeve të vdekjes së 43-vjeçarit./Bl.Ba/Fjala.al
