Ish-deputeti Eduart Ndocaj është lënë i lirë pasditen e së premtes pas shoqërimit në polici.
Ndocaj u shoqërua gjatë aktivitetit të përurimit te shtëpisë se At Gjergj Fishtes ne Lezhë. Mësohet se në momentin që gardistët kanë kërkuar që Ndocaj të dilte nga aktiviteti, ku nuk ishte i ftuar, ish-deputeti ka kërkuar që askush të mos e prekte, madje ka shtuar se gjithçka ishte një urdhër i kryeministrit Edi Rama.
“Ju lutem jeni pa ftesë, duhet të largoheni, e dëgjuat dhe kryetarin e Bashkisë”, i kanë thënë efektivët.
“Ka dhënë urdhër kryeministri që të mos jem në aktivitet. Mos më prekni me dorë se jam i operuar. Mos prekni, jam i operuar në stomak”, mësohet të jetë shprehur ai.
Ndocaj u shoqërua në polici, pasi kishte shkuar në aktivitetin e përurimit të shtëpisë së Gjergj Fishtës në fshatin Fishtë, ku ishte i pranishëm dhe kryeministri Edi Rama, por tani është lënë i lirë.
Pa.Va/Fjala.al
