Deputetja e Partisë Socialiste, Blerina Gjylameti ka rezultuar pozitive me Covid-19.
Gjylameti është edhe shtatzënë për të dytën herë dhe kjo u konfirmua rreth një muaj më parë kur ajo u shfaq publikisht me barkun e rrumbullakosur.
Gjendja e deputetes socialiste është e stabilizuar, teksa po i nënshtrohet kurimit në shtëpi. Për këtë arsye, Gjylameti ka ndaluar aktivitetin e saj politik në Qarkun e Tiranës.
Për herë të fundit, ajo u shfaq publikisht krah kryebashkiakut Erion Veliaj në Asamblenë e PS në Kombinat, ku u zëvendësua nga Belinda Balluku.
Ndërkohë, Covid-19 vijon të përhapet me shpejtësi në vendin tonë. Kujtojmë që ditën e premte në vend u shënua një rekord me 4 viktima dhe 306 raste të reja.
Pa.Va/Fjala.al
