Ndeshja e djeshme kundër Skënderbeut, rezultoi fatale për ekipin e Partizanit, i cili humbi jo vetëm 3 pikë, por në të njëjtën kohë edhe 2 titullarë të tjerë.
“Demat” do të luajnë në sfidën më të rëndësishme të tyre me mungesë të katër titullarëve, pasi përveç Melos dhe Boldor, nga ndeshja e djeshme trajneri italian Adolfo Sormani duhet të mos llogarisë as Bruno Telushin, i cili plotësoi numrin e kartonëve e Rron Brojën, që doli nga loja me karton të kuq.
Ndërkohë rikujtojmë, se braziliani Melo dhe Boldor janë dënuar nga Komisioni i Disiplinës me pezullim të 5 ndeshjeve, nga sherri që u bë në ndeshjen kundër Teutës, përpara ndërrimit të viteve.
Rezultatet aspak të mira dhe situata e krijuar nga mungesa e disa prej emrave kryesor te të kuqtë e përkeqëson akoma më shumë gjendjen e tyre para ndeshjes me Kukësin, që do luhet ditën e djelë, me 26 janar në stadiumin “Air Albania”. Nëse Partizani do të humbë edhe në sfidën e radhë titulli kampion për këtë vit do të duket shumë i largët për “Demat” e kryeqytetit./Fjala.al/
