Policia ka dhënë detaje për ngjarjen e ndodhur pasditen e sotme në Vlorë. Uniformat blu njoftojnë se kanë arrestuar një 26-vjeçar, pasi ka qëlluar me armë zjarri në ajër.
Po ashtu është shoqëruar dhe shoku i 26-vjeçarit që ishte me të. Ngjarja ka ndodhur rreth orës 19:00, në afërsi të Triportit. Pasi janë dëgjuar të shtëna me armë, policia ka mbërritur në vendngjarje dhe ka bërë kapjen në flagrancë të shtetasve E. Ç., 26 vjeç dhe F. Z., 26 vjeç, të dy banues në Vlorë.
Gjithashtu, në vijim të veprimeve u sekuestrua dhe një armë zjarri pistoletë që e kishte shtetasi E. Ç., e cila dyshohet të jetë arma me të cilën ai ka qëlluar në ajër.
la.mi/Fjala.al
