Një 70-vjeçar është nxjerrë i gjallë nga rrënojat pas 34 orësh kërkime dhe është transportuar me urgjencë drejt spitalit për të marrë trajtimin e nevojshëm mjekësor.
Një lajm i mirë vjen nga Turqia, vendi që 2 ditë më parë u trondit nga tërmeti 6.6 ballë i shkallës Richter.
Ahmet Citim, u nxor nga rrënojat në Izmir pak pas mesnatës të së dielës, ndërkohë që ministri i Shëndetësisë Fahrettin Koca u shpreh se kërkimet do të vazhdojnë, duke mos e humbur kurrë shpresën.
Si pasojë e tërmetit, deri më tani 62 persona kanë ndërruar jetë dhe mbi 900 të tjerë janë plagosur.
la.mi/Fjala.al
