Ministri i Brendshëm austriak, Karl Nehammer, është shprehur këtë të martë se sipas të dhënave të mbledhura deri më tani nuk ka asnjë shenjë se ka qenë dhe një sulmues i dytë i përfshirë në sulmin në Vjenë.
Ai ka thënë se video-incizimet e siguruara, nuk kanë dhënë detaje për një sulmues të dytë, ndonëse ende kjo gjë nuk është përfundimtare, shkruan rel. Një 20-vjeçar me shtetësi austriake dhe maqedonase, që është qëlluar për vdekje nga policia pak minuta pas sulmit të nisur të hënën në mbrëmje, është identifikuar si sulmues, në atë që autoritetet e kanë quajtur sulm ekstremist islamik.
Katër persona kanë vdekur si pasojë e të shtënave. Nehammer ka thënë se numri i personave të plagosur është rritur në 22. Ai ka thënë se 14 persona të lidhur me sulmuesin janë ndaluar për t’i marrë në pyetje.
r.g/Fjala.al
