Ditën e sotme pritet transferimi i Jakup Krasniqit në Hagë, kështu ka bërë me dije avokati mbrojtës i tij, Valon Hasani.
“Ajo çfarë mund të konfirmoj është që ka një bastisje…Aktakuza e cila është konfirmuar, tani duhet të transferohet në Hagë, besoj se do të bëhet gjatë ditës së sotme”, u shpreh ai, shkruajnë mediat në Kosovë.
Ndërkohë që EULEX është ende në banesën e Jakup Krasniqit .
Sakaq Prokuroria Speciale ka konfirmuar se aktualisht po zhvillohen disa operacione në Prishtinë, me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë.
la.mi/Fjala.al
