Shënohen plot 44 gola në 10 ndeshje, ligjin e bëjnë ekipet vendase. Liga e Evropës ka luajtur të enjten ndeshjet e 3-ta në grupe dhe, dukle nisur nga ora 18:55, janë zhvilluar 10 nga 12 ndeshjet e 6 grupeve të para, duke dhuruar plot 44 gola të shënuar, mëse 4 gola për ndeshje.
Në takimin e vetëm të grupit A që u zhvillua në atë orar, Roma ka shpartalluar Klujzhin 5-0, duke u shkëputur në krye të renditjes, tanimë në kuotën e 7 pikëve.
Edhe në grupin B, në takimin e vetëm të luajtur më herët, Rapidi i Vjenës ka mundur 4-3 Dandokun, duke mbajtur gjallë shpresën për të vazhduar aventurën kontinentale.
Në grupin C, Bajer Leverkuseni dhe Sllavia e Pragës korrën fitore, përkatësisht në Izrael, 4-2 ndaj Hapoel Biir Shevas, dhe 3-2 në shtëpi ndaj Nisë, duke ndarë së bashku kreun e renditjes, me nga 6 pikë secila, 3 më tepër sesa dy skuadrat e tjera të grupit. Në grupin D, Leh Poznani ka fituar 3-1 në Poloni ndaj Standardit të Liezhit, duke mbetur në luftë për një vend në turin tjetër.
Ndërsa Benfika dhe Gllasgou Rejnxhërs kanë shënuar nga 3 gola dhe kanë ndarë nga një pikë secila, çka nënkupton se portugezët dhe skocezët ndajnë edhe kreun e renditjes, me nga 6 pikë. Në grupin E, vijon forma e luhatshme e PSV-së së Eind’hovenit, që është mundur 1-4 në Greqi nga PAOK-u i Selanikut, ndërsa Granada ka fituar 2-0 në Qipro ndaj Omonias së Nikozisë dhe spanjollët kryesojnë renditjen me 7 pikë, 2 më tepër sesa helenët.
Dhe, së fundi, në grupin F, AZ Alkma’ari u mund minimalisht në Spanjë përballë Real Sociedadit, ndërsa Napoli fitoi me përmbysje në Kroaci, 2-1 ndaj Rijekës, çka nënkupton se holandezët, italianët dhe spanjollët kanë nga 6 pikë secila pas 3 ndeshjesh.
Pa.Va/Fjala.al
