A është i ftohti shkaktari kryesor i vdekjeve nga Covid-19

113 563 lexime

124,178FansaPëlqeje

Në 8 nëntor bota regjistroi rastin e pesëdhjetë miliontë të Covid-19. Rreth 1.26 milionë viktima mendohet se janë shkaktuar nga virusi, megjithatë shifra e vërtetë mund të jetë dy ose tre herë më e lartë.

Pas një vere pak a shumë të ekuilibruar me rastet, vdekjet në Europë po rriten me shpejtësi. Vetëm gjatë javës së kaluar, kontinenti regjistroi 4,000 raste ditore fatale. Matanë Atlantikut, situata është gjithashtu duke u përkeqësuar, ku spitalet në SHBA po mbushen dhe vdekjet po shtohen.

Një situatë e kundërt paraqitet në hemisferën jugore, ku pandemia është ngadalësuar disi. Në Amerikën e Jugut, vdekjet kanë rënë me 60% që nga kulmi i tyre në fillim të shtatorit. Australia nuk ka regjistruar asnjë vdekje nga Covid-19 prej 27 tetorit.

Duket se Covid-19 po ndjek ndryshimin e stinëve. Sëmundja shpërtheu për herë të parë në Kinë, dhe qendra u zhvendos me shpejtësi në perëndim drejt Italisë deri në fund të shkurtit. Pasi virusi u përhap në Amerikë në mars, epiqendra e virusit u përqëndrua përtej Atlantikut, përpara se të tërhiqej në jug në maj ndërsa shpërthimet u shfaqën në Amerikën Qendrore dhe Jugore. Që nga ekuinoksi i shtatorit, pandemia është zhvendosur në veri-lindje drejt Europës edhe një herë.

Lidhja mes Covid-19 dhe motit mbetet e diskutueshme. Mendohet se moti mund të ndikojë në transmetimin e virusit në dy mënyra. Së pari, ndikon në kushtet në të cilin virusi mbijeton dhe qëndron në ajër.

Së dyti, njerëzit kalojnë më shumë kohë brenda, ku është më e lehtë përhapja e Covid-19. Viruse të tjerë si gripi apo ftohja e zakonshme, arrijnë kulmin gjatë dimrit, gjë që sugjeron se të njëjtën gjë mund të ndjekë dhe koronavirusi.

Lexo edhe :  Netanyahu lutet për Trump: Ka marrë përgjegjësinë kundër së keqes!

Disa studime kanë treguar se transmetimi duket të bjerë ndërsa rritet temperatura dhe lagështia. Por raport i ri në Revistën Ndërkombëtare të Kërkimit Mjedisor dhe Shëndetit Publik sugjeron që efekti është mesatar.

Pas kontrollit për një sërë faktorësh si lëvizjet dhe dendësia e popullsisë, studiuesit zbuluan se vetëm temperatura e ajrit kishte vetëm një efekt shumë të kufizuar në përhapjen e covid-19 në të gjithë botën. Dhe ai efekt i vogël duket se lind për shkak të ndikimit të motit në sjelljen e njerëzve, sesa në vetë virusin. /The Economist

Të fundit

“Kupola e Artë”, projekti herkulian dhe i pasigurt

France-Presse “Kupola e Artë”, mburoja anti-raketore e dëshiruar nga Donald Trump për të shenjtëruar territorin amerikan, përbën një projekt herkulian...

Gjobitet me 1 mln lekë drejtuesi i skafit, lundroi në zonë të ndaluar të bregdetit

Një 32-vjeçar është gjobitur me 100 000 lekë të rinj pasi lundroi në një zonë të ndaluar në bregdetin e Velipojës. Në njoftimin zyrtar...

“Jo luftë kundër Iranit, por kundër programit bërthamor”

Pas sulmeve ajrore të SHBA-së ndaj objekteve bërthamore iraniane, qeveria amerikane po përpiqet të qetësojë frikën për një shpërthim të gjerë në rajon. Zëvendëspresidenti...

“The Guardian”: Sulmi i Donald Trump ndaj Iranit, akt i paligjshëm dhe i pamatur

Presidenti amerikan Donald Trump zgjodhi luftën me urdhër të Izraelit. Ai mund të imagjinojë se ka arritur një fitore të lehtë, por bota ka...

Shqipëria e fundit për pastërtinë e ujërave natyrorë

Pushimet e verës po afrojnë dhe për t’u ofruar pushuesve informacione lidhur me pastërtinë e ujërave të deteve, të liqeneve apo të lumenjve Agjencia...

Lajme të tjera

Web TV