Ministria e Arsimit ka mbyllur kolegjin “Saadi”, që financohej nga Irani dhe që ushtronte aktivitetin e saj prej disa vitesh në Tiranë. Vendimi, mban firmën e ministres së Arsimit, Besa Shahini.
Nga dokumenti mësohet se pas mbylljes shkolla ka disa detyrime duke filluar që nga kthimi i pagesave për pjesën e mbetur të nxënësve dhe në pagimin e shpenzimeve të tyre për t’u regjistruar në një shkollë të re.
Dyshimet e para kanë të bëjnë me atë që mbyllja e kësaj shkolle, e cila mban emrin e një poeti iranian Saadi Shirazi erdhën për shkak të zhvillimeve më të fundit nga aktualitetit pasi vendi ynë shpalli “non grata” dy diplomatët iranianë në Tiranë, pak ditë më parë.
Një tezë e tillë është hedhur poshtë nga Ministria e Arsimit.
Diplomatët e shpallur si të padëshiruar janë Mohammad Ali Arz Peimanemati dhe Seyed Ahmad Hosseini Alast, ku njëri prej tyre ishte edhe drejtues i fondacionit “Saadi Shirazi”, që financon pikërisht shkollën në fjalë.
Shpallja “non grata” e diplomatëve iranianë, por edhe mbyllja e shkollës, që pason vendimin e parë, janë ndërmarrë pas tensioneve të forta mes Iranit dhe SHBA, teksa forcat ushtarake amerikane ekzekutuan gjeneralin iranian, Qassem Suleiman.
Mes replikave dhe kërcënimeve të shumta, pati deklarata kërcënuese edhe ndaj Shqipërisë nga liderët iranianë, për shkak të pranimit nga vendi ynë të muxhahedinëve iranianë, që konsiderohen si opozita më e egër kundër regjimit vendas.
Ndërkohë, sipas shkesës së firmosur nga Shahini, MAS detyron institucionin:
-Të kthejë pagesat e kryera nga nxënësit për pjesën e papërfunduar të shkollit dhe çdo detyrim tjetër të papërmbushur që mund të ketë ndaj tyre
-Të pajisë çdo nxënës me dokumentacionin e nevojshëm shkollorë që do të shërbejë për transferimin e tij në një institucion tjetër të arsimit parauniversitar.
-Të vërë në dispozicion të zyrës vendore të arsimit parauniversitar, Tiranë, çdo informacion të kërkuar deri në plotësimin dhe mbylljen e të gjitha kërkesave të parashikuara në këtë urdhër.
-Të mbulojë të gjithë shpenzimet për kryerjen e procedurave për transferimin e nxënësve në zbatim të këtij urdhri
-Të dorëzojë në zyrën vendore të arsimit parauniversitar Tiranë të gjithë dokumentacionin lidhur me veprimtarinë e kryer.
-Një grup pune renda tre ditësh do të marrë masa për mbylljen e këtij institucioni si dhe transferimin e nxënësve në institucione të tjera. Gjithashtu ky grup duhet të administrojë të gjithë dokumentacionin.
